تياب مَحَنَّة بدأت من حبنا للتوب السوداني، ومن إحساسنا إنو مفروض كلنا نحس إنو التوب جزء مننا ومن ثقافتنا. ناس كتار مننا بحسوا إنو التوب مرتبط بالأعراس، والحبوبات والخالات، أو مرحلة معينة من العمر. عشان كدا حبينا نخلي التوب أقرب لينا، وأسهل في اللبس والتنسيق، وبطريقة تناسب الجيل الجديد.
تيابنا بتاخد من روح التوب السوداني ومصممة في بريطانيا. اخترنا ألوان هادية، تفاصيل بسيطة وتصاميم ساهلة في التنسيق، وفي نفس الوقت فيها كل الحاجات البنحبها في التوب السوداني.
أهم حاجة لينا إنو التوب يفضل جزء من حياتنا، نلبسو بطريقتنا، والجيل الجاي برضو يحس إنو التوب جزء منو ومن ثقافتو.